Ministra Edukasaun, Juventude no Desportu, Dulce de Jesus Soares. Imajen /Egas Cristovão

DILI, 23 juñu 2020 (TATOLI)-Ministra Edukasaun Juventude no Desportu Demisionária, Dulce de Jesus, fó apresiasaun ba kapasidade Diretóra Eskola Ensinu Báziku Sentrál Fatumeta Dili Fernanda Caldeira Belo, tanba buka rasik doadór sira hodi halo kontrusaun foun ba edifísiu eskola nian.

Ho ninia inisiativa maka ikusmai Forsa Naval Estadu Unidus Amérika konsege halo ona konstrusaun foun ba edifisiu EBS Fatumeta no Eskola Ensinu Báziku Filiál Bairo-Pité Dili.

“Ha’u hatene ida ne’e la’ós konstrusaun ba dahuluk ita bo’ot ninia esforsu maibé konstrusaun ida ne’e akontese tiha ona,” dehan Dulce bainhira halo inagurasaun ba projetu konstrusaun EBS Fatumeta husi Forsa Naval EUA, tersa ne’e.

Governante ne’e rekoiñese esforsu ne’ebé Diretóra ne’e halo no konsidera la’ós buat fasil para ema hotu hotu bele halo tuir.

Entertantu,  Diretóra EBS Fatumeta, Fernanda Caldeira Belo, hateten esforsu ne’ebé nia halo tanba hetan konfiansa husi Governu liuhosi MEJD.

“Ha’u simu responsabilidade ida ne’e la’ós atu mai tuur de’it la’ós atu mai simu osan de’it maibé ha’u atu sevisu tanba ne’e buat ne’ebé ha’u bele halo ha’u sei esforsu hodi hetan ninia rejultadu,”katak nia.

Nia hatutan durante ninia mandatu, Forsa Naval EUA nian konsege konstrui ona sala hamutuk neen.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here