Prezidente Komisaun Funsaun Públika (CFP-sigla portugés), Faustino Cardoso. Imajen/Antonio Goncalves

DILI, 24 juñu 2020 (TATOLI)–Prezidente Komisaun Funsaun Públika (KFP), Faustino Cardoso, informa kargu méritu profesionalizasaun iha Funsaun Públika liuhosi kargu diresaun xefia sira liuliu haree hosi kargu diresaun xefia to’o ohin loron foin mak 6%.

“Ita-nia kargu méritu profesionalizasaun no kargu diresaun xefia iha Funsaun Públika nian foin mak 6%,” dehan Prezidente KFP, Faustino Cardoso, ba jornalista sira iha Ministériu Finansa Aitarak-Laran, Dili, kuarta ne’e.

Tuir Prezidente KFP, atu hetan kargu diresaun xefia tenke liuhosi teste maibé teste ne’e ho eletróniku modernizasaun nian liuhosi uzu .

“Hosi totál kargu diresaun xefia hahú hosi nivél nasionál to’o nivél munisípiu sira mak foin hala’o liuhosi selesaun pur méritu. Pur méritu ida-ne’e dehan prosesu ida ema ne’ebé mak assume kargu diresaun xefia ne’e, tenke konkore no tenke liuhosi teste. Teste ida-ne’e mós liuhosi eletróniku, liuhosi uzu aproveitamentu ba avansu teknolojia informátiku,” nia esplika.

Tanba ne’e, nia dehan, sertifika duni ka lae kona ba kapasidade tékinika professionál, relevante, adekuadu ho natureza, no konteudu funsionál kargu ne’ebé mak nia assume ka konkore bá, liuhosi teste karik nia liu.

Jornalista : Osória Marques

Editór      :  Cancio Ximenes

HAKEREK NO HATÁN

Please enter your comment!
Please enter your name here