Komunidade sira iha Sede Suku Bairru Pité hahú simu subsidíu $200 ne'ebé Governu fó tanba implementasaun Estadu Emerjénsia no surtu COVID-19 durante fulan rua nia laran. Imajen Tatoli/Antonio Goncalves.

DILI, 23 juñu 2020 (TATOLI)–Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten Munisípiu Dili hela suku rua (2) mak seidauk finaliza pagamentu mak hanesan Suku Bairru Pité Pite no Suku Comoro.

“Ita falta de’it suku rua (2) mak seidauk finaliza prosesu pagamentu subsídiu $200 mak hanesan Suku Bairru Pité no Comoro tanba família uma-kain barak liu,” dehan Diretór Jerál Ministériu Solidaridade Sosiál no Inkluzaun, Rui Manuel Gago Exposto, ba jornalista sira liuhosi Konferénsia imprensa iha Salaun MSSI, Caicoli, Dili, tersa ne’e.

Diretór Jerál ne’e hatutan, iha Suku Bebunuk mós seidauk hotu maibé parese orsida lorokraik bele finaliza ona tanba xefe família hela uma-kain 200 de’it ona.

Iha munisípiu 12, nia informa, prosesu pagamentu subsídiu $200 ne’e kuaze finaliza hotu ona maibé hela de’it suku rua iha Postu Administrativu Dom Aleixo, Munisípiu Dili nian mak seidauk finaliza.

“Espera katak, aban ka bainrua bele finaliza ona ita-nia pagamentu uma-kain ida ne’e, nune’e bele konklui ona relatóriu pagamentu nian iha munisípiu 12 la inkkui Oé-Cusse Ambeno ba MSSI,” nia dehan. 

Jornalista : Osória Marques

Editór      :  Cancio Ximenes

HAKEREK NO HATÁN

Please enter your comment!
Please enter your name here