Prezidente Repúblika, Francisco Guterres Lú Olo. Imajen António Gonçalves

DILI, 23 juñu 2020 (TATOLI)—Prezidente Repúblika, Francisco Guterres “Lú Olo”, liuhosi Dekretu Prezidente Repúblika Númeru 53/2020 nomeia membru VIII Governu Konstitusionál na’in-21 atu simu pose.

Notísia Relevante: Kuarta, Prezidente Repúblika Sei Fó Pose ba Membru Governu Na’in-21

Prezidente Repúblika uza nia kompeténsia konstitusionál bazeia ba artigu 106 númeru 2 ne’ebé bele halo nomeasaun ba membru Governu hafoin simu proposta hosi Primeiru Ministru.

“Prezidente Repúblika uza nia kompeténsia konstitusionál tuir artigu 106 númeru 2 halo nomeasaun ba membru Governu hafoin simu proposta husi Primeiru Ministru,” dehan Prezidente Repúblika, Francisco Guterres “Lu Olo”, liuhosi komunikadu inmprensa ne’ebé Agência TATOLI asesu liuhosi Palásiu Prezidensiál Nicolau Lobato, Bairru Pité, Dili, tersa ne’e.

Komunukadu ne’e haktuir, membru Governu na’in-21 ne’ebé hetan nomeiasaun hosi Prezidente Repúblika mak hanesan, Vise Primeiru-Ministru no Ministru Planu no Ordenamentu José Maria dos Reis, Ministru Koordenadór Assuntus Ekonómikus Joaquim Amaral, Ministru Negosiu Estranjeiru, Adaljiza Albertina Xavier Reis Magno, Ministru Edukasaun, Juventude no Desportu Armindo Maia, Ministru Turismu, Komérsiu no Indústria  José Lucas do Carmo da Silva.

Ministru Interior Taur Matan Ruak, Ministru Petroleu no Minerais Víctor da Conceição Soares, Vise-Ministru Negosiu Estranjeiru no Kooperasaun Julião da Silva, Vise-Ministru Justisa José Edmundo Caetano, Vise-Ministru Administrasaun Estatál Lino de Jesus Torrezão, Vise-Ministru Saúde  Bonifacio Mau Coli dos Reis.

Vise-Ministru Edukasaun, Juventude no Desportu António Guterres, Vise-Ministru Komérsiu no Indústria Domingos Lopes Antunes, Vise Ministru Turismu Komunitária no Kulturál Inacia da Conceição Teixeira, Vise-Ministru Agrikultura no Peskas Abilio Xavier de Araújo, Vise-Ministru Interior Antonino Armindo.

Sekretáriu Estadu Formasaun Profisionál no Empregu Alarico de Rosário, Sekretáriu Estadu Kooperativas Elizario Ferreira, Sekretáriu Estadu Peskas Elídio de Araújo, Sekretáriu Estadu Juventude no Desportu Abrão Saldanha, no Sekretáriu Estadu Protesaun Sivil Joaquim José Gusmão dos Reis Martins.

Tuir planu, Prezidente Repúblika, Franciso Guterres Lú Olo, sei fó pose ba membru Governu na’in-21 ne’e iha kuarta-feira loron 24 fulan juñu tinan 2020 iha tuku 16.30, iha Palásiu Prezidensiál Nicolau Lobato, Bairru Pité, Dili.

Notísia Relevante: Prezidente Repúblika Ezonera Membru Governu Na’in-8

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here