Osan Dolar Amerikanu. Imajen/Google

DILI, 23 juñu 2020 (TATOLI)–Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten osan ne’ebé mak benefisiáriu sira la konsege foti ka la ezekuta sei depozita ba ba kofre Estadu.

“Importante mak ita asegura lai iha banku ne’ebá. Asegura katak ema ida sei la book osan ne’e maibé bainhira iha prosesu hotu ona, osan ne’e ita depozita fali ba kofre Estadu,” dehan Diretór Jerál Ministériu Solidaridade Sosiál no Inkluzaun, Rui Manuel Gago Exposto, ba jornalista sira iha Salaun MSSI, Caicoli, Dili, tersa ne’e. 

Osan hirak ne’ebé lakonsege ezekuta ne’e bele responde fali ba reklamasaun ne’ebé liu ona ba 10.000-resin ka lae, nia hatán, sei tuur hamutuk ho Ministériu Finansa (MF) atu halo diskusaun.

“Se sufisiénte, ita lalika halo karta ida maibé ne’e tenke involvimentu Ministériu Finansa (MF) mak hodi bele deside kona ba osan ne’e,” nia dehan. 

Jornalista : Osória Marques

Editór      :  Cancio Ximenes

HAKEREK NO HATÁN

Please enter your comment!
Please enter your name here