Vise Primeiru-Ministru no Ministra Solidariedade Sosiál no Inkluzaun, Armanda Berta dos Santos. Imajen Tatoli/Egas Cristovão

DILI, 23 juñu 2020 (TATOLI) – Vise Primeiru-Ministru no Ministra Solidariedade Sosiál no Inkluzaun, Armanda Berta dos Santos hateten Governu deside aluga kareta barak tanba ekipa halo pagamentu ba subsídiu uma-kain ne’ebé destaka iha 12 barak no kareta sira ne’ebé ajuda hosi Patrimóniu Estadu la to’o.

“Loos duni katak aluga kareta maibé ne’e asuntu tékniku nian, aluga kareta sira atu asegura pagamentu ho di’ak tanba ekipa pagamentu hamutuk 452. Iha duni kareta Governu nian ne’ebé mak apoia maibé la to’o tanba ne’e deside aluga, hateten Vise PM, Armanda Berta hafoin relata progresu servisu ba Primeiru-Ministru (PM), Taur Matan Ruak iha Palásiu Governu, tersa ne’e.

Armanda Berta dehan, Governu liuhosi Ministériu Solidaridade Sosiál no Inkluzaun (MSSI) hakarak buka maneira hotu hodi halo pagamentu subsídiu ba uma-kain sira.

“Ha’u hanoin ida-ne’e asuntu tékniku nian liu, maibé ha’u atu dehan katak importante mak osan $100 ne’e to’o ba ita nia populasaun, tanba atu implementa planu ne’e liuhosi prosesu lubuk ida,” dehan Berta.

Antes ne’e, Diretór Jerál MSSI, Rui Manuel Gago Expostu informa, MSSI hetan apoia kareta husi Patrimóniu Estadu hamutuk 181 no kareta ne’ebé aluga hamutuk 148.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here