DILI, 23 juñu 2020 (TATOLI)-Família Matebian Hendrique Maia Soares, tersa ne’e lori ona isin mate matebian nian ba ninia knua Gulolo Munisípiu Ermera hodi halo’ot iha kuarta aban.
Matebian mate tanba monu husi andar UNPAZ iha domingu madrugada.
Notísia Relevante :Konfrontu Iha UNPAZ, Na’in-Ida Mate Fatin
”Aban mak ami família sei halo’ot ami nia alin Hendrique nian mate-isin, agora ami lori bá knua iha suku Gulolo hodi toba kalan ida ho família sira iha ne’ebá depois mak sei halo’ot ninia isin-mate tuir rituál lisan Gulolo nian,” dehan Reprezentante Família Matebian, Listo de Jesus, ba jornalista sira iha Mate-Uma Ai-mutin ohin.
Notísia Relevante :UNPAZ Prontu Apoiu haloot Mate-Isin Hendrique
Antes lori ba knua Ermera, ohin família sira selebra mós misa requien ba Matebian iha Kapela Manleuana Dili.
Entretantu, PNTL husi Unidade Batallaun Ordem Públiku (BOP) halo kontaktu ho Seguransa Munisípiu Ermera hodi akompaña prosesu lori mate-isin matebian nian hosi Dili ba Munisípiu Ermera hodi garante estabilidade.
Notísia Relevante :Estudante UNPAZ Na’in 14 Detein iha Sela Polisia
Jornalista : Tomé Amado
Editór : Agapito dos Santos
