Embaixadór Uniaun Europeia (EU) iha Timor-Leste (TL), Andrew Jacobs. Imajen Taroli/Cipriano Colo

DILI, 22 juñu 2020–Embaxadór Uniaun Europeia, Andrew Jacobs hateten, ohin, hasoru malu no kongratula  Governu liuhosi Vise Primeiru-Ministru, Armanda Berta dos Santos,  nia esforsu hala’o pagamentu subsídiu $200 ba benefisiáriu (uma-kain) sira iha Timor-Leste.

“Ha’u mai kongratula no agradese de’it ba señora Vise Primeiru-Ministru tanba esforsu tomak ne’ebé nia hala’o hodi ita-nia populasaun sira simu pagamentu subsídiu $200,” dehan Embaxadór Uniaun Europeia, Andrew Jacobs, ba jornalista sira iha salaun MSSI, Caicoli, Dili, segunda ne’e. 

Aleinde ne’e, nia hatutan, iha sorumutu ne’e ko’alia kona-ba programa prioridade ba tinan 2021 nian, oinsá mak Uniaun Europeia (UE) beleapoiu ba Governu liuhosi Ministériu Solidaridade Sosiál no Inkluzaun (MSSI) iha parte ida-ne’ebé nian.

“Ohin, ami mós ko’alia ho Vise Primeiru Ministru kona-ba identifika prioridade ba tinan 2021 para oinsá Uniaun Europeia fó sira-nia apoiu atu enkaixa iha parte ida-ne’ebé nian,” Embaxadór UE ne’e hateten.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here