Embaixadór Indonézia iha Timor-Leste, Sahat Sitorus. Imajen/Sahat Sitorus

DILI, 22 juñu 2020 (TATOLI)-Embaixadór Indonézia ba Timor-Leste, Sahat Sitorus, hateten maske Timor-Leste livre ona husi transmisaun surtu COVID-12, maibé presiza atu servisu hamutuk ho Indonézia ho rigor liután hodi halo prevensaun.

“Ita tenke halo vijilánsia nafatin, tenke servisu hamtuk ho rigor atu prevene moras ne’e, Timor -Leste uluk iha kazu 24, maibé agora livre ona, Indonézia mak sei iha parte NTT agora sa’e ba 111, maibé ita kontinua esforsu oinsá moras ne’e bele lakon,” dehan Embaixadór ne’e ba Jornalista iha Palacio do Governo, segunda ne’e.

Pandemia global COVID-19 halo ekonomia mundiál monu, tanba ne’e nia rekomenda atu nasaun rua kontinua servisu hamutuk hodi rekupera hikas setór ekonomia liuhosi atendimentu públiku hanesan Portu, Aeroportu no Fronteira Terrestre.

“Agora ita tenke loke ona odamatan atu bele halo investimentu, nune’e investór sira mai halo investimentu nune’e bele loke kampu servisu atu rekoopera hikas ekonomia nasaun nian, kriteria atu loke odamatan mak tenke rigor oituan,” nia tenik tan.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here