Vise Primeiru-Ministru Asuntu Solidariedade Sosiál no Inkluzaun, Armanda Berta dos Santos. Imajen /Egas Cristovão

DILI, 22 juñu 2020 (TATOLI)–Governu liuhosi Vise Primeiru-Ministru Asuntu Solidaridade Sisiál no Inkluzaun, Armanda Berta dos Santos, apresia ba servisu papél Rede Feto nian iha Timor-Leste.

Governante ne’e hateten, enkontru ohin ne’e Rede Feto mai informa sira-nia serbisu kona-ba asuntu sosiáis nian no hato’o mós sira nia misaun, vizaun ba Rede Feto nian oinsá para atu bele haree kona-ba papél feto nian iha nasaun ida-ne’e.

“Ohin halo audiénsia ho Rede Feto iha tempu ida-ne’e, sira bele informa mós sira-nia serbisu kona-ba asuntu sosiais ninian no hato’o mós sira-nia misaun no vizaun Rede Feto nian oinsá para atu bele haree kona-ba papél feto nian iha ita-nia nasaun,” dehan Armanda Berta dos Santos ba jornalista sira hafoin halo audiénsia ho Rede Feto ho iha Salaun MSSI Caicoli, Dili, segunda ne’e.

Iha sorumutu ida ne’e, Vise-Primeiru Ministru apresia tebes ba feto maluk hosi Rede Feto tanba sira nu’udár organizasaun ida ne’ebé hala’o sira-nia papél feto nian iha Timor-Lete.

“Ha’u nu’udar feto apresia sira-nia servisu nu’udar papel feto nian iha ita-nia nasaun. Tanba ita bele haree katak Timor nia luta ne’ebé naruk tebes la’os mane de’it maka luta maibé feto mós involve no kontribui hotu ba ita-nia luta ba hetan idepedénsia. Tanba ne’e, papel feto nian importante tebes hodi atu bele konsidera iha ita-nia nasaun Timor-Leste no ba mundu,” nia dehan. 

Tanba ne’e, nia mós enkorja ba feto maluk sira tenke esforsu-aan rasik oinsá hodi partisipa dezenvolvimentu ekonómia no bele foti desizaun iha partidu polítiku sira.

“Kona-ba feto sira partisipassaun dezenvolvimentu ekonómia nian liuliu feto sira tenke esforsu nia-aan rasik oinsá para atu bele hakbiit sira-nia-aan nu’udár papel feto nian iha ita-nia nassaun. Ita bele dehan katak oinsá feto mós bele foti desizaun iha partidu polítiku, ekonómia no mós família nia laran,” nia hateten. 

Jornalista : Osória Marques

Editor     : Cancio Ximenes

HAKEREK NO HATÁN

Please enter your comment!
Please enter your name here