Ministru Finansa, Fernando Hanjam. Imajen Tatoli/Egas Cristovão

DILI, 22 juñu 2020 (TATOLI) – Ministériu Finansa (MF) liuhosi Komisaun Jestaun Fundu COVID-19 no Ministériu Solidaridade Sosiál no Inkluzasaun (MSSI) hahú halo koodenasaun hodi bele halo tranferénsia subsídiu uma-kain ba Rejiaun Administrativu Oé-cusse Ambeno (RAEOA).

Ministru Finansa, Fernado Hanjam, informa iha sesta semana kotuk Komisaun Jestaun Fundu COVID-19 simu ona dadus uma-kain husi MSSI hodi koordena no avalia hafoin tranfere ba RAEOA.

“Dadus ne’e tama ona ne’ebé Sekretáriadu Jestaun Fundu COVID-19 nian no sei koordena ho MSSI atu ohin ne’e bele halo ramata hodi tempu besik bele transfere ona ba RAEOA hodi responde ba preokupasaun komunidade nian,” tenik Ministru Fernando Hanjam iha sala plenáriu Parlamentu Nasionál (PN), segunda ne’e.

Notísia Relevante: PA Arsénio Bano Promete Semana Oin Rezolve Subsídiu Uma-Kain Iha Oé-cusse

Komisaun Jestaun Fundu COVID-19 simu ona lista uma-kain hamutuk 20.000-resin husi Oé-cusse ne’ebé korresponde ho totál pagamentu millaun $4, ba pagamentu fulan-rua hamutuk $200 ba kada uma-kain.

Daudaun ne’e, MSSI kuaze konklui ona pagamentu ba uma-kain iha munisípiu 12 hamutuk 298.119, la inklui RAEOA ho totál orsamentu hamutuk $59.623.800, ba pagamentu $200 ba kada uma-kain.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here