Joven ida ne'ebé mate fatin tanba deskunfia haksoit husi andár leten UNPAZ nian iha akontesimentu trajédia UNPAZ, domingu madrugada (21/06/2020). Imajen/Foti husi Facebook

DILI, 22 juñu 2020 (TATOLI)-Família matebian Hendrigue Maia Soares, husi uma-lisan Ermera hamutuk ho Komunidade Aldeia Faka Suku Manleuana Dili, segunda ne’e, halo ona serimonia rituál ho objetivu hodi bolu filafali matebian nia klamar iha fatin akontesimentu UNPAZ.

Maske mate-isin matebian nian daudaun ne’e sei iha hela sala mortuaria HNGV hodi submete ba prosesu autopsia, maibé família halo ona serimonia rituál ne’e hanesan lisan ida ba kazu mate mean ka oho malu.

Reprejentante família matebian, Listu de Jesus, hateten serimonia ne’e parte ida atu hatene loloos motivu husi kazu  matebian nia mate ne’e tanba monu husi andar leten ka ema mak oho.

“Ami la kondena ema ida maibé ami la simu de’it mak ami lakon tiha ona ami-nia ema,”dehan nia durante serimonia rituál, ohin.

Iha serimonia ritu’al ne’e família oho animal hanesan asu ida ho nia simbolu maka atu sai matadalan ba matebian hodi hetan loloos justisa ida ne’ebé justu.

Henrique Maia Soares, moris  iha Dili, 24 abríl 1999 no mate iha 21 juñu 2020 iha areadór UNPAZ  domingu madrugada.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here