Inan Feton ida lori hela aifarina tahan nebe nia sosa iha merkadu Taibesi. Imajen/Antonio Goncalves

DILI, 19 juñu 2020 (TATOLI)-Xefe Departamentu Saúde Ambientál, Ministériu Saúde, José Moniz, kontinua husu ba negosiante sira iha Merkadu Manleuana atu kontinua mantein distánsia fizíku no sosiál hodi halo prevensaun ba surtu COVID-19.

Maski oras ne’e Timor-Leste livre ona husi kazu transmisaun coronavirus, maibé populasaun sira presiza atensaun nafatin hodi kumpre regra sira tanba moras ne’e sei kontinua ejiste  iha mundu inklui nasaun viziñu Indonézia.

”Hato’o mensajen ba komunidade sira iha Merkadu Manleuana katak ita halibur barak tebes iha ne’e balun uza máskara no balun la uza maibé husu ba ita hotu hodi halo distansiamentu sosiál nafatin tanba mundu seidauk livre husi COVID-19,”dehan José Moniz, ba jornalista sira bainhira estabelese fatin fase liman iha Merkadu Manleuana ohin.

Merkadu hanesan fatin públiku ne’ebé halibur movimentu ema barak liu tanba ne’e risku atu hetan transmisaun moras coronavirus.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here