Ministra Edukasaun Juventude no Desportu, Dulce de Jesus Soares asina MoU ho Reprezentante UNICEF iha TL, Valerie Taton. IMajen/ UNICEF

DILI, 19 2020 (TATOLI)-Ministériu Edukasaun Juventude no Desportu, sesta ne’e distribui apoiu livru kona-ba prevensaun COVID-19 ba Orfanatu Irmâs Alma, Praia dos Coqeiros Dili.

Ministra Edukasaun Demisionária, Dulce de Jesus Soares, hateten livru ne’ebé maka Governu distribui ohin ne’e oferese husi Ajénsia Internasionál UNICEF iha Timor-Leste.

“Ohin ita hamutuk ho UNICEF mai apoiu livru 500 ba orfanatu ne’e tanba fatin ne’e loke mós eskola espesiál ba labarik sira ne’ebé mak iha problema ho mentál,”dehan Governante hafoin distribui apoiu ne’e iha Praia dos Coqeiros Dili ohin.

Tuir Polítika Governu nian sei kontinua estabelese kooperasaun servisu ho UNICEF hodi fó apoiu ba Instituisaun sira hanesan Alma no seluk tan tanba fó atensaun espesiál ba labarik sira ho problema mentál no fizíku.

Iha biban hanesan Responsavel Eskola Rekursu Irmâs Alma, Me. Makrina Lowo Alma, agradese ba apoiu ne’ebé oferese husi Governu ho UNICEF hodi tulun ona fundasaun ne’e atu halo prevensaun ba moras coronavirus.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here