Diretóra JSMP, Ana Paula Marçal. Imajen Tatoli/Dok

DILI, 19 juñu 2020 (TATOLI)-Organizasaun Naun Govermantál (ONG, sigla portugés) husi Programa Monitorizasaun ba Sistema Judisiáriu (JSMP) durante implementasaun Estadu Emérjensia ba daruak nian rejista kazu violensia bazeia ba jéneru, kazu krime no sivíl hamutuk 81 iha Timor-Leste

Diretóra JSMP, Ana Paula Marçal, hateten kazu hirak ne’e rejista iha Munisípiu Aileu, Baucau, Manufahi no Rejiaun Administrativa Espesiál Oé-Cusse Ambeno (RAEOA).

“Husi kazu 81 ne’e ita konsege submete ona kazu sia ba Ministériu Públiku atu prosesa tuir dalan justisa mak kazu violénsia bazeia ba jéneru hanesan violasaun seksuál, abuzu seksuál ba minor no violénsia doméstika,” informa nia ba Jornalista sira iha edifísiu FONGTIL, Caicoli ohin.

Kazu hirak ne’ebé JSMP rejista ne’e tanba hetan tulun husi Servisu Investigasaun Kriminál husi munisípiu idaidak.

“Sira kontaktu ami depois sira mak lori rasik vitima sira ne’e mai, agora kazu sia ita konsidera nu’udar violasaun bazeia ba jéneru ne’e rezista ona iha Ministériu Públiku,”tenik tan.

Tribunál Distritál Dili durante semana rua ne’e nia laran halo ona julgamentu ba kazu pruvolta 77 no husi kazu hirak ne’ebé tama kategoria krime hamutuk 73 no kazu sivíl haat.

”Ita agradese tanba Tribunál ho ispiritu di’ak hodi kontinua halo julgamentu ba kazu sira ne’e,” nia hateten.

Kazu krime 73 ne’e, kazu 12 iha ona desizaun omologa, kazu sia suspende, kazu tolu multa no kazu tolu selu administrasaun.

“Husi kazu sivíl  haat ne’e hotu-hotu hetan desizaun kontinua tolu no adia ida,”katak nia.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here