Ministra Edukasaun, Juventude no Desportu, Dulce de Jesus Soares. Imajen /Egas Cristovão

DILI, 19 juñu 2020 (TATOLI)-Ministra Edukasaun Juventude no Desportu Demisionária, Dulce de Jesus Soares, hateten formasaun via online ba profesór kuaze 12.000 kona-ba prevensaun COVID-19 lakonsege ezekuta  orsamentu rihun $ 100.000.

“Ha’u la imajina kuandu programa formasaun online ne’e mak ita la realiza ba profesór sira, signifika ita tenki haleu bá Munisípiu hotu hodi fó formasaun prejensiál no ita tenki gastu osan purvolta $ 100.000-resin,” dehan Dulce ba jornalista sira iha Fundasaun Madre Alma Praia dos Coqeiros Dili, sesta ne’e.

Antes ne’e MEJD prepara orsamentu rihun $ 100 ne’e ba formasaun profesór, maibé la konsege ezekuta tanba hetan tulun husi Doadór sira hodi implementa programa ne’e.

tanba tuir Governu nia alvu katak profesór rihun 14 tenki partisipa obrigatóriu formasaun ba prevensaun coronavirus via online hodi introdus iha eskola idaidak.

“Profesór  mak la komprende kona-ba prevensaun COVID-19 entaun defisil atu ajuda halo monitorizasaun iha sala aprendizajenprezensiál, se karik mosu sintoma ruma husi estudante sira,” esplika Dulce.

 Jornalista : Tomé Amado

Editór        : Agapito dos Santos

HAKEREK NO HATÁN

Please enter your comment!
Please enter your name here