Presidente Institutu Nasionál Seguransa Sosiál (INSS) Longuinhos Armando. Imajen/Tatoli Egas Cristovao

DILI, 18 juñu 2020 (TATOLI)–Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, hateten bainhira temi ona Institutu Públiku automatikamente Institutu rejistu ona nia traballadór sira iha Seguransa Sosiál tanba Institutu mak ba rejistu la’ós traballadór ida-idak mak rejistu.

Notísia Relevante: 2020, INSS Rejistu Funsionáriu no Empreza Privadu Hamutuk 100.000

“Tuir dadus ne’ebé ha’u iha katak Institutu Públiku nia naran rejistu ona iha Seguransa Sosiál tanba Institutu ne’e Estadu nian,” dehan Prezidente Konsellu Administrasaun INSS ba Agência TATOLI iha servisu fatin INSS, Caicoli, Dili, kinta ne’e.

Nia hatutan, bainhira ema ko’a ona osan saláriu signifika ema ne’e iha Númeru Identidade Seguransa Sosiál (NISS) iha ona lista hosi  Institutu Nasionál Seguransa Sosiál (INSS). 

Tanba, nia hateten, bainhira ema ida hatama nia dokumentu iha Institutu ida konserteza naran tama ona iha Seguransa Sosiál.

“Institutu ida bainhira ko’a ona ema-nia osan katak nia iha númeru identidade. Bainhira númeru identidade seidauk iha nunka mais ko’a ema-nia osan,” nia hatutan.

Tuir nia, bainhira traballadór ida la mai kontribui iha seguransa sosiál entaun rai iha ne’ebé, satán Institutu Públiku no Institutu Governu nian, orsamentu labele mai ho fonte hanesan tanba Governu nian hotu.

Agora daudaun empregadór de’it rejistu iha Seguransa Sosiál besik 2000-resin entaun signifika traballadór iha Institutu Públiku mós inklui ona iha laran.

Jornalista :Osória Marques

Editór     : Cancio Ximenes

HAKEREK NO HATÁN

Please enter your comment!
Please enter your name here