Enkontru entre MESSK ho Konsellu reitór sira. Imajen: Nelia Borges

DILI, 18 juñu 2020 (TATOLI)-Prezidente Emposadu Ajénsia Nasionál Avaliasaun Akreditasaun Akadémiku (ANAAA), Samuel Freitas, husu ba Reitór Universidade idaidak atu dezenvolve koñesimentu pesoál nune’e bele lidera Instituisaun Ensinu Superiór Privada no Públiku ba hasa’e kualidade edukasaun.

“Ita ko’alia kona ba ejisténsia ensinu superiór, ita mós ko’alia kona-ba koñesimentu no poder entre Mágnifiku Reitór sira nian iha kada instituisaun, tanba ne’e termu simples mak tenki iha koñkista ba koñesimentu,” dehan nia durante simu pose nu’udar Prezidente ANAAA, iha salaun Ian Martin Matadouro, kinta ne’e.

Notísia Relevante:Samuel Freitas Lidera ANAAA ba Periodu Daruak

Koñesimentu mak sai baze fundamentál ba lideransa ida hodi lidera instituisaun ensinu superiór para garante no hasa’e kualidade iha prosesu aprendizajen ba estudante sira no mós dezenvolve setór edukasaun iha territóriu Timor-Leste.

“Ha’u dehan Mágnifiku Reitór sira mak iha kbi’it haree kona-ba rekursu iha koñesimentu atu transmite no transfere,”tenik tan.

Universidade idaidak mak tenke garante kualidade instituisaun bainhira hakarak ejiste hodi oferese siénsia ba jerasaun foun sira.

Prezidente ANAAA ne’e fó nafatin konfiansa ba Reitór Universidade idaidak atu lidera instituisaun universitáriu sira ba futuru.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here