Logotipu Tribunál Distritál

DILI, 18 juñu 2020 (TATOLI) -Tribunál Distritál Dili (TDD), halo ona julgamentu primeiru interrogatóriu ba estudante Timoroan na’in-14 ne’ebé halo manifestasaun “Free West Papua” iha Embaixada Repúblika Indonézia iha Dili, foin lalais ne’e.

Husi julgamentu primeiru interrogatóriu ne’e, Tribunál seidauk bele hasai desizaun ruma, tanba ne’e, ohin, kontinua ho prosesu sumáriu, maibé iha audiénsia laran arguidu sira hotu hili ho dalan nonook.

Liuhusi prosesu sumáriu desizaun Juis singular Ivan Suritai deside hodi liberta arguidu sira hotu husi sela detensaun, ho razaun tanba arguidu sira kumpre ona detensaun iha sala detensaun durante oras-72.

Tribunál deside hodi adia fila-fali julgamentu normal ba arguidu sira hodi marka fali ba iha loron 23 juñu tinan ne’e, tuku 16:00 Otl.

Jornalista   : Nelson de Sousa

Editór        : Francisco Simões