Primeiru-Ministru, Taur Matan Ruak. Imajen/Egas Cristovão

DILI, 18 juñu 2020 (TATOLI)–Governu Timor-Leste (TL) sei buka meiu atu lori fila traballadór timoroan na’in-90 ne’ebé kontratu hotu ona iha Austrália no Korea Súl.

Primeiru-Ministru (PM), Taur Matan Ruak, hateten sidadaun ka traballadór timoroan sira ne’ebé sira-nia kontratu hotu ona, Governu haree no hamatan hela atu nune’e bele evakua sira mai Timor-Leste

“Ha’u ko’alia oitoan kona-ba ita nia sidadaun sira, ita nia traballador sira ne’ebé mak iha Austrália no Koreia du súl, ne’ebé sira nia kontratu hotu ona. Ita hare hela, oinsá mak evakua sira mai Timor,” dehan Primeiru-Ministru (PM), Taur Matan Ruak, ba jornailista sira hafoin hala’o enkontru semanál ho PR Lú Olo iha Palásiu Prezidente Nicolau Lobato, Bairru Pité, Dili, kinta ne’e.

Antes ne’e, Sekretáriu Estadu Formasaun Profisionál no Empregu, Julião da Silva, informa traballadór timoroan iha Austrália no Korea Súl na’in-90 seidauk iha serteza atu bele fila mai Timor-Leste tanba Aeroportu iha nasaun ne’ebé traballadór sira sei halo tránzitu hanesan Indonézia no  Singapura sei taka.

Julião hateten, dalan di’ak ba traballadór timoroan iha Koreia Súl maka bele mai liu hosi Singapura, Indonézia no mai Timor-Leste, bainhira liuhosi nasaun seluk risku boot ba Coronavírus (COVID-19) ne’ebé bele lori mós mai Timor-Leste.

Jornalista : Cipriano Colo

Editór       :  Cancio Ximenes

HAKEREK NO HATÁN

Please enter your comment!
Please enter your name here