Ministra Saúde, Odete Maria Freitas Belo, kuarta ne,e asina nota intendimentu (MoU-sigla inglés) ho Prezidente Autoridade Rejiaun Administrativa Oé-Cusse Ambeno (RAEOA) Arsénio Paixão Bano.Imajen/Felicidade Ximenes

DILI, 17 juñu 2020 (TATOLI)-Ministra Saúde, Odete Maria Freitas Belo, kuarta ne,e asina nota intendimentu (MoU-sigla inglés) ho Prezidente Autoridade Rejiaun Administrativa Espesiál Oé-Cusse Ambeno (RAEOA) Arsénio Paixão Bano, hodi estabelese kooperasaun servisu entre servisu nasionál ho ospitál Oé-Cusse.

“Ohin ami asina nota intendimentu ho Prezidente RAEOA, ZEEMS, Arsenio Bano kona-ba  kooperasaun  servisu entre Nasionál ho RAEOA,  Ita asina akordu foin mak dahuluk Ministériu Saúde ho RAEOA,”informa, Odete Maria Freitas Belo, ba jornalista sira iha salaun Palasio da Sinzas Caicoli, ohin.

Nota kooperasaun ne’e atu parte rua bele koopera no apoiu malu intermus lojístika no ekipamentu  no mós kestaun seluk tan ne’ebé liga ba dezenvolvimentu área saúde nian.

Ezemplu ida maka bainhira Ministériu enfreta hela problema falta karreta , maibé RAEOA iha estoke naton bele fó kedas resposta ba MS hodi rezolve problema ne’ebé mak mosu.

Antes ne’e, RAEOA mós estabelese nota kooperasaun ho Servisu Autónomu Medikamentu no Ekipamentu Saúde (SAMES) hodi sosa ai-moruk no mós formasaun ba rekursu umanu.

“Kona-ba rekursu umanu sira iha tanba sira iha orsamentu rasik hodi haruka ona ema ba eskola ba iha área kardiaku nian no mós iha área balun ne’ebé sira  planea tanba sira uza rasik sira-nia osan atu halo servisu sira ne’e,” dehan Odete.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here