Sekretáriu Estadu Formasaun Profisionál no Empregu, Julião da Silva. Imajen Tatoli/Egas Cristovão.

DILI 16 juñu 2020 (TATOLI)Sekreterariu Estadu Formasaun Profisionál no Empregu (SEFOPE) iha tinan ne’e nia laran kansela ona kandidatu traballadór bá Korea Súl na’in-30.

“Loloos foin daudaun haruka tan traballadór na’in-30, maibé kansela tiha tanba pandemia COVID-19. Iha fatin servisu iha Korea Súl laiha problema maibé iha viajen ne’e mak problema,” tenik Sekretáriu Estadu Formasaun Profisionál no Empregu, Julião da Silva, iha salaun Fórum Organizasaun Naun Govermentál Timor-Leste (FONGTIL), Caicoli, tersa ne’e.

Nia dehan, kandidatu traballadór sira oras ne’e hein deit, bainhira aeroportu loke bele haruka ona sira bá serbisu.

Nune’e, governante ne’e husu kandidatu sira tenke komprende situasaun globál tanba surtu ne’e perigozu tebes.

SEFOPE rejista traballadór timor-oan ne’ebé iha Korea Súl hamutuk 3.144 no 705 mak fila mai ona Timor-Leste.

Iha Korea Súl durasaun servisu tinan tolu to’o tinan lima, kuandu kontratu hotu fila mai Timor-Leste.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here