DILI, 16 juñu 2020 (TATOLI) – Ministériu Solidariedade Sosiál no Inkluzaun (MSSI) simu hotu ona dadus uma-kain Rejiaun Autoridade Espesiál Oé-cusse Ambeno (RAEOA) husi Ministériu Administrasaun Estatál (MAE).
“Ami simu ona dadus husi Ministériu Administrasaun Estatál hamutuk uma-kain 23.000 no prosesu sei la’o hela, kuandu finaliza ona maka bele hahú ona pagamentu subsídiu ba uma-kain iha Oé-cusse”, relata Vise Primeiru-Ministru (VPM) no Ministra Solidariedade Sosiál no Inkluzaun, Armanda Berta dos Santos hafoin hasoru Primeiru-Ministru, Taur Matan Ruak iha Palásiu Governu, tersa ne’e.
Antes ne’e Prezidente Rejiaun RAEOA, Arsénio Paixão Bano hasoru malu ona ho Ministra Berta hodi aselera prosesu pagamentu subsídiu uma-kain iha Oé-cusse ne’ebé seidauk realiza.
“Pagamentu ba RAEOA ninian, horiseik ami rua Prezidente Autoridade hasoru malu ona atubele haree prosesu pagamentu iha tempu badak ne’ebé dala ruma iha fin fulan-juñu bele realiza ona pagamentu no prosesu ne’e daudaun la’o hela,” nia dehan.
Governante ne’e informa, ekipa MSSI sei tun direta ba Oé-cusse hodi hamutuk ho ekipa husi MAE hodi halo pagamentu.
Dadaun ne’e, Ministériu Solidaridade no Inkluzaun (MSSI) kuaze konklui ona pagamentu ba uma-kain iha munisípiu 12 hamutuk 298.119 ho totál orsamentu hamutuk $59.623.800 ba pagamentu $200 kada uma-kain, la inklui RAEOA.
Jornalista: Antónia Gusmão
Editora: Julia Chatarina
Husu ba MANSI atu labele haree deit ba Prosesu Pagamentu. Mbe tenke verifika dadus ho Lolo’s tanba naran balun neebe eziste-an nanis sai Uma Kain maibe naran laiha ,,, tanba lahatene nusamak Ita bele hetan kasus nee.,? Karik hau koalia nee Ida mos Mak hau tanba Ami Uma Kain barak Mak registu Uma Kain iha Tinan 2016,2017. Mbe ate data Ohin dadus ba hosi naran Pagamentu Ami check fali laiha lista Gerald MMSI-RAEOA. karik hau lamenta tanba sira horseik foin hola malu no la iha oan dauk KA balun foin kunese malun deit no atu registu nran iha semana lliu ba Nia naran sai fali, mibe Ida bee nanis kedas . nee Naran laiha????dehan waooo gitu
Nusamak Haruka Ekipa verifika mos Nafatin Hela deit ga?;Ekipa nee Mai para selu nia osan ha Nia Mai hamriik deit hodi labele halao knaar ….ema neee atu sai Ekipa ba hanesan Los Nia projeito diak Liu cut sai Tia Ekipa verifikasaun nee.no Haruka fali Ema badinas
OEKUSI
Hau Mak ferasante
Abilio Suni
Oinsa ho familia ida…iha oan nain tolu seidau forma famili no servisu hotu ho salariu kada ema ida $500.00. Signifika kada fulan nee sira hetan osan $1500 iha familia ida nee nia laran. Maibe sira asesu tan ba $200. Oinsa ho ida nee.