DILI, 16 juñu 2020 (TATOLI)-Ministru Negósiu Estranjeiru no Kooperasaun Demisionáriu, Dionísio da Costa Babo Soares, propoin ba ministru foun ne’ebé maka atu asume pasta MNEK presiza atu kontinua servisu diplomasia ho nasaun seluk.
“Ita hein katak depois tomada pose ba membru Governu foun sira bele halo servisu ho di’ak tuir mandatu no programa governu nian liu-liu mak mantein de’it nivel diplomasia para ita-nia divizilidade iha mundu kontinua la’o,” dehan Dionísio ba Jornalista iha edifísiu MNEK Praia dos Coqeiros, ohin.
Notísia Relevante :Dionísio Babo Rezigna An, Sara Lobo Mantein Servisu ho Governu Daualuk
Liliu oinsá atu reforsa no hametin lasu kooperasaun amizade ho nasaun seluk iha mundu ne’ebé maka antes ne’e la’o ona.
“Fulan hira ba kotuk ita hasoru dezafiu bo’ot COVID-19, maibé fiar katak ba oin ho membru governu foun bele halo servisu sira ho másimu liu,” nia dehan.
Jornalista : Hortencio Sanchez
Editór : Agapito dos Santos
