Xefe Bankada CNRT, Duarte Nunes. Imajen/Egas Cristovão

DILI, 16 juñu 2020 (TATOLI)—Bankada Congresso Nacional da Reconstrução de Timor (CNRT) hanesan opozisaun iha Parlamentu Nasionál sei prepara proposta alterasaun hodi entrega orsamentu $500.000 ba ba Governu liuhosi fundu COVID-19.

Notísia Relevante: FRETILIN Sei Hatama Proposta Elimina Orsamentu $500.000

Xefe Bankada CNRT, Deputadu Nunes, ne’ebé antes ne’e hanesan proponente ba proposta orsamentu $500.000 ne’e hateten proposta ne’e ho intensaun haree ba dook tanba la hatene bainhira mak surtu coronavirus ne’e hotu.

Nia haktuir, proposta ne’e ho objetivu atu deputadu sira halo fiskalizasaun ba orsamentu ne’ebé finansia ba fundu COVID-19 nian.

“Ami halo tiha ona desizaun iha nível bankada CNRT, konkorda malu atu halo proposta elimina orsamentu $500.000 hosi parlamentu nian depois entrega ba Fundu COVID-19 hodi halo despeza ba buat seluk,” degan Duarte Nunes ba jornalista sira iha resintu Parlamentu Nasionál, tersa ne’e.

Nia parte, antes ne’e envolve iha proposta ne’e maibé haree katak COVID-19 ne’e la hanesan nasaun seluk nian no haree katak moras ne’e bele aumenta ne’e iha munisípiu tolu Covalima, Bobonaro no RAEOA entaun orsamentu $500.000 entrega ba Governu liuhosi fundu COVID-19.

Xefe Bankada CNRT ne’e fó-sai katak, aprezentasaun proposta ne’e depende ba ajenda reuniaun plenária nian.

Notísia Relevante: PPN Husu Deputadu Sira Hatama Proposta Elimina Orsamentu $500,000

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here