Ministra Saúde , Odete Maria Freitas Belo. Imajen Tatoli/Egas Cristovão

DILI, 15 juñu 2020 (TATOLI)-Ministra Saúde, Odete Maria Freitas Belo, husu ba Dirijente sira iha Ospitál Nasionál Guido Valadares atu subtitui filafali estatutu Banku Sangue ba Governu hodi hetan apresiasaun nune’e bele ejizte nudar orgaun independenti ida iha futuru.

Ospitál Nasionál Guido Valadares, antes ne’e submete ona estatutu ne’e ba Governu maibé  la hetan aprovasaun to’o ohin loron tanba ne’e presiza atu submete fila-fali.

”Ha’u hakarak hateten estatutu ne’ebé mak submete ba uluk ne’e liu ona maibé ha’u hakarak husu sira submete fila-fali dokumentu ne’e mai para ita hotu bele haree hamutuk tanba instituisaun ne’ebé mak atu la’o tenke iha regulamentu internu se lae susar atu bele la’o ba oin,” dehan Odete, durante komemorasaun loron mundiál doasaun ran iha HNGV, ohin.

Odete esplika bazeia ba referensia husi nasaun barak iha mundu,  Banku Sangue hanesan orgaun independente ida ne’ebé mak bele jere rasik sira-nia instituisaun ho ninia funsionamentu sira.

”Maibé ita-nia ne’e iha unidade ida de’it no unidade ida ne’ebé maka kiik tebes tanba ne’e mak husu ba unidade ida ne’e atu hasa’e tan kapasidade hodi fó livre no koopera ho instituisaun sira seluk tanba ita-nia unidade nee mós iha rekuru umanu ne’ebé mak menus,”dehan,  nia.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here