Ministra Saúde foun, Odete Maria Freitas Belo. Imajen /Egas Cristovão

DILI, 12 juñu 2020 (TATOLI)-Atu prevene transmisaun surtu Coronavirus iha eskola sira, daudaun ne’e Governu liuhosi Ministériu Saúde prepara hela matadalan jerál ida atu eskola hotu-hotu iha territóriu Timor-Leste bele uza hodi kombate coronavirus.

“Ho baze ba matadalan ida ne’e mak ita espesifika liu ezemplu ba eskola ita halo revisaun ba eskola báziku no eskola ensinu superiór sira,” dehan Ministra Saúde, Odete Maria Freitas Belo, ba jornalista sira iha Palacio do Governo Dili, ohin.

Kritéria balun husi matadalan ne’e ko’alia kona-ba distansiamentu sosiál, fiziku, instala ekipamentu hanesan tanke bee no torneira fase liman no seluk tan.

“Ita mak tenke fó avaliasaun ba estudante sira para kumpre regra sira ne’ebé mak husi Ministériu Saúde ho Organizasaun Mundiál Saúde fó,”tenik Odete.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here