Dieter Jerál Ministériu Solidaridade Sosiál no Inkluzaun (MSSI), Rui Manuel Gago Exposto.Imajen Tatoli/Osória Marques.

DILI, 12 juñu 2020 (TATOLI)–Dieter Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten membru família bele reprezenta xefe família atu simu subsídiu $200 hosi Governu maibé tenke ho tinan 17 ba leten no mós halo deklarasaun ida hosi autoridade iha suku ne’e rasik.

Notísia Relevante: Loron Datoluk, Ekipa Pagamentu Selu Ona Uma-Kain 79.987 ho Orsamentu $15.997.400

“Membru família bele reprezenta xefe família hodi simu subsídiu $200. Bainhira xefe família moras ka iha rai liur, ita família bele simu maibé tenke ho idade 17 ba leten no mós tenke halo deklarasaun ida hosi xefe suku hodi garante katak nia reprezenta hosi xefe família ka laen ka aman nian,” dehan Rui Manuel Gago Exposto ba jornalista sira iha salaun MSSI, Caicoli, Dili, sesta ne’e.

Tuir nia, bainhira reprezentante hosi xefe família ida mak atu simu pagamentu tenke aprezenta kartaun eleitorál ba ekipa pagamentu ka autoridade lokál ne’ebé iha fatin pagamentu ne’e.

Jornalista :Osória Marques

Editór   :  Cancio Ximenes

HAKEREK NO HATÁN

Please enter your comment!
Please enter your name here