Primeiru-Ministru, Taur Matan Ruak, fó pose ba PA RAEOA-ZEESMS foun, José Luís Guterres ‘Lugu’, iha Palásiu Governu, kuarta (13/11). Imajen Tatoli/António Gonçalves

DILI, 12 juñu 2020 (TATOLI) – Bazeia ba desizaun Konsellu Ministru iha loron 10 juñu, aprova Projetu Rezolusaun rua, ne’ebé aprezenta husi Primeiru-Ministru, Taur Matan Ruak, hodi nomea Arsénio Paixão Bano asume kargu Prezidente Autoridade (PA) Rejiaun Administrativu Espesiál Oé-cusse Ambeno (RAEOA) no Zona Ekonomia Espesiál Sosiál Merkadu, Timor-Leste (ZEESM,TL) no ezonera atuál Prezidente Autoridade José Luís Guterres ‘Lugu’.

Ba kestaun ne’e, PM Taur, hateten razaun Governu ezonera Lugu hodi nomea fali Arsénio Paixão Bano ba PA foun tanba konjutura politika atuál.

“Ne’e mai husi Konjuntura polítika atuál, ita bo’ot sira hatene nomeasaun uluk (ba José Luís Guterres) ne’e iha koligasaun uluk no ohin koligasaun foun entaun iha situasaun foun ne’ebé ita adapta-an ba iha situasaun polítika iha ita-nia país atu buka konsensu no entende, nune’e bele rezolve problema sira sein provoka sobre saltus,” tenik PM Taur hafoin fó pose ba PA RAEOA foun iha Palásiu Governu, sesta ne’e.

Notísia Relevante: Hetan Pose, Prezidente RAEOA Foun Promete Sei Rezolve Kestaun Bázika Moris Populasaun

Ho nune’e, Xefe Governu hato’o agradesimentu ba eis PA Lugu tanba esforsu-an maka’as hodi servisu iha situasaun defísil entre polítika no surtu COVID-19 nia laran.

“Ha’u agaradese no fó saudasaun espesiál no boot ba José Luís Guterres tanba nia asume kargu iha momentu kontra bandu polítika iha ita-nia rai. La’ós ida ne’e de’it, maibé ho situasaun surtu COVID-19 ne’ebé mosu iha ita-nia rai no afeta ba ita-nia populasuan sira,” nia akresenta.

Eis Prezidente Repúblika ne’e dehan, PA foun laiha imunidade karik iha xamada hodi hatán kazu ruma iha Tribunál, sei laiha impkatu ba nomeasaun ne’e.

Xefe Governu rekoñese Lugu nia kontribuisaun durante ne’e, ne’ebé halo esforsu tomak hodi kria nia ekipa tuir kondisaun no kapasidade hodi bele fó kontribuisaun, maski infelizmente nian mandatu termina.

“Nia husik hela nia kontirbuisaun ida, tanba ne’e ha’u pesoalmente hanesan Primeiru-Ministru, ha’u hakarak agredese ba nia no ekipa inklui nia família tomak.

Lugu Simu posse nu’udar PA RAEOA-ZEEMS,TL iha loron 13 novembru 2019 ba mandatu tinan-lima, maibé konsege asume mandatu to’o fulan-hitu de’it.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here