Gilberto Madeira da Silva

DILI, 11 juñu 2020 (TATOLI)-Eis Xefe Banku Urjénsia Ospitál Nasionál Guido Valadares (HNGV-sigla portugés), Gilberto Madeira da Silva, iha kuarta (10/06) hakotu ona iis iha sala ICU tanba sofre moras stroke.

Durante semana rua matebian halo ona internamentu iha sala Intensive Care Unit (ICU), Hospital Nacional Guido Valadares (HNGV), maibé médiku sira la konsege kura ninia moras to’o hakotu iis iha kuarta ne’e iha tuku 1:30 Otl.

“Durante matebian sei moris gosta ajuda ema hotu no gosta halo kolega ho ema barak liliu nia maluk doutór no enfermeiru sira,” informa Família Matebians Mario Ximenes ba Jornalista sira iha ninia residensia Clakfuik Becora Dili, ohin.

Iha kinta ohin, família matebian haloot ona isin-mate matebian nian iha Semitériu Públiku Becusse Dili.

“Matebian iha maun alin na’in tolu matebian hanesan oan daruak husi familia,” nia hatutan.

Gilbertu Madeira da Silva moris iha Dili, iha loron 02 fulan-fevereiru 1984 no hakotu iis iha loron 10 fulan-juñu 2020 iha Ospitál Nasionál Guido valadares.

Durante ne’e, matebian hala’o kna’ar iha Unidade Histopatolojia iha HNGV.

No matebian mate husik hela ninia kaben ho oan na’in ida ho tinan tolu.

Jornalista : Felicidade Ximenes

Editór       : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here