Ministra Saúde, Odete Maria Freitas Belo. Imajen Tatoli/Egas Cristovão

DILI, 10 juñu 2020 (TATOLI)-Ministra Saúde, Odete Maria Freitas Belo, kuarta ne’e halo enkontru ho Primeiru-Ministru, Taur Matan Ruak hodi simu orientasaun servisu ne’ebé ligadu ho prevensaun surtu COVID-19 tanba data implementasaun Estadu Emerjénsia datoluk nia besik ramata.

Data implementasaun Estadu Emerjénsia datoluk nia sei ramata iha loron 26 fulan-juñu ne’e.

“Iha reuniaun nee’ atu rona mós Primeiru-Ministru nia orientasaun no prosedimentu ne’ebé mak Ministériu saúde iha,”dehan Ministra Saúde ne’e hafoin halo enkontru ho Ezekutivu iha Palasio do Governo Dili, ohin.

Tuir nia orientasaun Xefe Governu nian ohin maka atu halo preparasaun no kria kondisaun bainhira mosu kazu COVID-19 foun no asuntu seluk tan.

“Se karik estende mós servisu saida mak ami halo ami prontu nafatin no la estende mós ami kontinua hala’o nafatin servisu,”tenik Governante.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here