Ofisiais PNTL halo hela seguransa ba komunidade sira iha sede suku Fatuhada wainhira forma hodi simu subsidu 200 dolar nebe governu foo tanba implementasaun Estadu Emerjensi durante fulan rua relasiona ho virus Corona,Imajen/Antonio Goncalves

DILI, 10 juñu 2020 (TATOLI)-Governu liuhusi Ministériu Solidaridade Sosiál no Inkluzaun (MSSI) hamutuk ho ekipa Banku Nasionál Komérsiu Timor-Leste (BNCTL-sigla portugés) iha kuarta ne’e halo ona pagamentu ba xefe família 633 iha Suku Soba Postu Administrativu Laga Munisípiu Baucau ho orsamentu hamutuk $ 126.600.

Kada xefe Família simu osan $ 200 durante implementasaun Estadu Emerjénsia ba prevensaun COVID-19 iha Timor-Leste.

Xefe Suku Soba, Francisca Monica Fátima Soares, informa Suku Soba iha Aldeia neen, maibé benefisiáriu husi aldeia rua maioria naran la sai iha lista pagamentu.

“Ami sei esforsu atu nune’e benifisiáriu sira bele hetan hotu subsídiu ba COVID-19 nian,”dehan Autoridade Lokál ne’e ba TATOLI via telefone iha kuarta ne’e.

Prosesu pagamentu iha fatin ne’ebá inisía iha aldeia rua ne’ebé lokaliza iha Postu Administrativu Laga.

“Pagamentu ba aldeia rua iha Laga vila ami hato’o ona pedidu ba Diretór Eskola Bázika Soba Laga atu uza sira-nia aula hodi halo pagamentu ba aldeia Euwai ho Butufalu,” tenik tan.

Tuir orariu iha kuarta ne’e halo uluk pagamentu ba komunidade husi Aldeia Euwai, no loron 11 fulan-juñu sei halo ba benefisiáriu iha Aldeia Butufalu

No iha loron 12 to’o 13 sei halo pagamentu ba populasaun husi Aldeia Fatiliri, Asanunu, Laikua no Boleha

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here