BNCTL ho MSSI tersa (09/06/2020) halo ona pagamentu subsidiu ba xefe familia sira iha Sede Suku Bidau Lecidere. Imajen /Egas Cristovão

DILI, 09 juñu 2020 (TATOLI)-Xefe Família uma-kain 305 husi Suku Bidau Lecidere, Postu Administrativu Nain Feto Munisípiu Dili, tersa ne’e simu ona subsídiu ho valór $ 200 ba fulan-rua durante implementasaun Estadu Emerjénsia liga ho kazu surtu COVID-19 iha Timor-Leste.

Xefe Suku Bidau Lecidere, Luis Rebelho Soares Pereira, relata antes ne’e husi ninia parte submete lista ba Ministériu Administrasaun Estatál (MAE) ho Ministériu Solidaridade Sosiál no Inkluzaun (MSSI) hamutuk xefe família 317 maibé Governu aprova 305 no na’in sia mak naran laiha.

“Sira na’in sia ne’ebé naran laiha ne’e sei halo fali reklamasaun hodi hein faze da-rua nian, maibé ami sei prosesa hodi haruka ba nasionál,”dehan Xefe Suku ne’e durante prosesu pagamentu iha Sede Suku Bidau Lecidere, ohin.

Suku ne’e iha Aldeia rua, hanesan Lecidere no Kapela ho família uma-kain 3017.

Tuir observasaun TATOLI iha terrenu nota komunidade sira kontinua mantein distansia fíziku hodi simu osan husi ekipa Banku Nasionál Komérsiu Timor-Leste (BNCTL-sigla portugés), Ministériu Solidaridade Sosiál no Inkluzaun (MSSI).

Comisaun Anti Corrupsaun (CAC) mak halo monitorizasaun ba prosesu pagamentu ne’e, no mós hetan seguransa másimu husi PNTL.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here