Diretór Nasionál Empregu Esteriór Sekretaria Estadu Formasaun profesionál no Empregu, Filomeno Soares. Imajen/espesiál

DILI, 09 juñu 2020 (TATOLI) – Diretór Nasionál  Empregu Esteriór Sekretaria Estadu ba Formasaun Profisionál no Empregu (SEPFOPE),  Filomeno Soares, informa daudaun ne’e parte SEPFOPE rejista ona traballadór balun iha Korea Súl maka hakarak fila tanba kontratu servisu hotu ona.

“Ami simu pedidu husi traballadór sira iha Korea Súl ne’ebé sira hakarak fila mai Timór hamutuk na’in-59, maibé sira hirak ne’e seidauk bele fila tanba ema-nian rai sei iha Lockdown hela,” tenik Diretór ne’e ba Agência Tatoli via telefónika, tersa ne’e.

Nia dehan, daudaun traballadór hirak ne’e hela iha imigrasaun Korea Súl.

Maske nune’e, tuir Dirijente ne’e parte SEPFOPE sei koordena ho Ministériu Negósiu Estrajeiru no Kooperasaun (MNEK) atu rezolve kestaun ne’e.

“Agora daudaun SEPFOPE servisu hamutuk ho MNEK tanba iha ligasaun ho rai-li’ur, hanesan mós traballdór sira iha Austrália no mós fatin seluk. Tanba ne’e maka ami esforsu hamutuk hodi rezolve ba kestaun ne’e,” nia akresenta.

Aleinde ne’e SEPFOPE mós simu pedidu husi traballadór timor-oan iha Austrália sira atu fila mai Timór tanba sira nian kontratu ramata ona.

“Iha mós pedidu husi traballadór iha Austrália sira husu atu fila maibé ami seidauk iha númeru serteza,” nia salienta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here