Ministra Saúde foun, Odete Maria Freitas Belo. Imajen /Egas Cristovão

DILI, 09 juñu 2020 (TATOLI)-Ministra Saúde, Odete Maria Freitas Belo, hateten Ministériu Saúde aprova ona lista suplementu remuneratóriu ba profisionál saúde sira ne’ebé tama iha kategoria liña oin ba prevensaun surtu COVID-19 iha Timor-Leste.

Lista ne’ebé maka Ministériu Saúde aprova daudaun ne’e submete ona ba Sentru Integradu Jestaun Krize (CIGC-sigla portugés) hodi hahú halo pagamentu iha tempu badak.

Notísia Relevante :Governu Aprova Suplementu Remuneratóriu ba Profesionál Liña Frente Kada Loron $25

Ekipa liña oin ne’e kompostu husi Médiku, doutór, enfermeiru no servisu apoiu tékniku sira seluk.

“Lista ne’e iha naran balun ne’ebé mak ita atu haree filafali maibé ida ne’e laiha problema,” dehan, Odete Maria Freitas Belo ba TATOLI, iha Palasio do Governo, Dili ohin.

Maski aprova ona lista refere maibé Governante ne’e la esplika ho detaillu kona-ba totál profisionál saúde na’in hirak maka sei benefisia ba subsídiu Governu ne’e.

Kategoria dahuluk ho valór $ 25 ba ekipa liña oin ne’e, ba sira ne’ebé servisu iha izolamentu no laboratóriu, $ 20 ba sira ne’ebé servisu iha kuarentena no $ 15 ba ekipa servisu administrativu ka sira ne’ebé apoiu maibé laiha kontaktu direta.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here