Osan Dolar Amerikanu. Imajen/Espesiál

DILI, 07 juñu 2020 (TATOLI)-Xefe Uma-kain 530 iha Suku Tekinomata, Postu Administrativu Laga, Munisípiu Baucau sira-nia naran aprovadu iha lista pagamentu hodi simu subsídiu governu $ 200 ba responde nesesidade báziku durante implementasaun Estadu Emerjénsia fulan-rua, marsu to’o maiu.

Xefe Suku Tekinomata, Cipriano Arlindo Ximenes, informa totál orsamentu ne’ebé alokadu ba benefisiáriu 530 ne’e hamutuk $ 106.000.

Notísia Relevante :Governu Benefísia Uma-Kain 298.119 iha Munisípiu 12

Ekipa Banku Nasionál Komérsiu Timor-Leste (BNCTL-sigla portugés), Ministériu Solidaridade Sosiál no Inkluzaun (MSSI) hamutuk ho Autoridade Lokál sira sei halo pagamentu ba benefisiáriu iha loron 10 fulan-juñu no sei ramata iha loron 19 fulan hanesan.

“Aban mak foin BNCTL transfere ba suku idaidak ami ba simu iha Postu Administrativu Laga,” informa Xefe Suku Tekinomata, Cipriano Arlindo Ximenes ba TATOLI, Via Telefone segunda ne’e.

Notísia Relevante :Ohin, Ekipa Pagamentu Subsídiu $200 Dezloka ba Munisípiu

Xefe família 530 maihosi Aldeia haat, Itidau, Samguia, Bulubai no kaikasalari.

“Uma kain ualu maka naran la sai tanba ne’e ami sei halo reklamasaun ba sira durante loron 15 hodi ba aprezenta iha Munisípiu no mós ba MSSI,”tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here