Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio  Paixão Bano. Imajen Tatoli/António Gonçalves

DILI, 08 juñu 2020 (TATOLI) – Eis Sekretáriu Rejionál Rejiaun Administrativa Espesiál Oé-cusse Ambeno (RAEOA) no Zona Espesiál Ekonomia Sosiál Merkadu, Timor-Leste (ZEESM,TL), Arsenio Bano, rejeita ko’alia kona-ba mudansa polítika iha Timor-Leste, liuliu iha Oé-cusse rasik maibé kuandu hetan konfiansa husi Governu Sentrál nia parte prontu lidera rejiaun ne’e.

“Aranju polítika ne’e la’ós ha’u nia polítika, aranju polítika ne’e ita hatene ona maibé mudansa iha Parlamentu Nasionál no Governu ne’e kompeténsia Primeiru-Ministru nian. Ha’u labele koalia”, hateten Arsenio Bano hafoin hasoru malu ho Primeiru-Ministru, Taur Matan Ruak, iha Palásiu Governu, segunda ne’e. 

Antes ne’e, iha loron 01 agostu 2019, Arsenio asume kna’ar nu’udar Prezidente Autoridade Rejiaun Administrativa Espesiál RAEOA-ZEESM,TL interinu durante loron 120, hafoin mandatu eis Prezidente Autoridade RAEOA, Marí Alkatiri ramata iha loron 30 jullu 2019.

Bainhira husu katak karik hetan fiar husi Xefe Governu atu lidera hikas RAEOA, Arsenio subliña: “Nu’udar soldadu prontu sempre siap selalu. Ha’u mós hanesan eis titulár no simu mós pensaun, tanba ne’e maka nasaun presiza prontu atu servisu ho di’ak”. 

Jornalista: Antónia Gusmão

Editora: Julia Chatarina

 

HAKEREK NO HATÁN

Please enter your comment!
Please enter your name here