Diretora Jerál Prestasaun Servisu Saúde, Odete Viegas. Imajen Tatoli/Egas Cristovão

MALIANA,05 juñu 2020 (TATOLI)-Diretóra Jerál Prestasaun Saúde, Odete Viegas da Silva, informa Ministériu Saúde iha mós planu atu koloka profisionál saúde ba eskola sira bainhira iha nesesidade hodi prevene propagasaun surtu coronavirus.

Tanba ne’e, nia husu ba Ministériu Edukasaun Juventude no Desportu atu mantein koordenasaun ho Ministériu Saúde hodi halo preparasaun di’ak liután antes re-ativa prosesu aprendijazen ba estudante sira.

“Entaun mekanismu koordensaun ne’ebé mak iha ita tenke tau iha fatin hanesan saúde mós tenke tau nia ema iha eskola sira,”Nia hato’o asuntu ne’e, iha Maliana Munisípiu Bobonaro, iha kinta ne’e.

Nia hanoin persiza atu halo mós teste ba estudante sira durante prosesu aprendijazen la’o.

“Atu atende estudante sira no tau mós thérmoscan para halo kedas teste ba estudante sira ne’ebé mak tama mai se isin manas haruka kedas fila labele iha fatin no labarik sira ne’ebé mak moras labele ba eskola nafatin iha hela uma,”katak Odete.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here