Ministra Edukasaun, Juventude no Desportu (MEJD), Dulce de Jesus Soares Hamutuk ho Estudante Eskola Ensinu Pre-Eskolar 12 Outubro Tasi Tolu. Imajen/Tatoli

DILI, 05 juñu (TATOLI)-Ministériu Saúde oras ne’e aprova ona padraun implementasaun ba prevensaun COVID-19 ne’ebé aprezenta husi Ministériu Edukasaun Juventude no Desportu (MEJD) hodi re-ativa prosesu prosesu aprendijazen ba estudante sira iha territóriu Timor-Leste.

“Ita agradese ba Ministériu Saúde tanba halo ona apresiasaun hodi aprova ba padarun implementasaun prevensaun COVID-19 iha eskola sira,” dehan Ministra Edukasaun Juventude no Desportu (MEJD), ba jornalista sira iha salaun MEJD Vila-Verde, sesta ne’e.

Tanba ne’e maka Ministériu sei halo esforsu hodi sensibiliza padraun implementasaun ne’e ba eskola sira hodi implementa bainhira re-ativa ona prosesu aprendijazen ba estudante sira.

Padraun sira ne’e maka instalasaun tanki fase liman, sabaun, handa sanitazer, uza máskara no mantein distansiamentu sosiál no fiziku durante prosesu aprendijazen la’o.

“Ami simu ona informasaun katak husi Diretór sira iha kada eskola sira sira halo ona orariu  ba prosesu  ensino aprendiazen tuir padraun MEJD nian, sira sei fó tempu ba estaduante kada sala ema na’in 20 de’it no hanorin oras rua de’it,”nia esplika tan.

Ministériu Edukasaun no Ministériu Saúde sei deside data re-ativa prosesu aprendijazen hafoin ekipa tékniku finaliza sira nia obervasaun ba eskola públiku hotu iha territóriu ne’ebé sei ramata iha loron 15 fulan-juñu.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here