Ministru Parlamentár no Komunikasaun Sosiál, Francisco Jerónimo akompaña ho Sekretáriu Estadu Komunikasaun Sosiál, Merício Juvinál dos Reis ‘Akara’ konvoka reniaun dahuluk ho jernte TATOLI,IP no RTTL,EP. Imajen Tatoli/ Florencio Miranda Ximenes

DILI, 05 juñu 2020 (TATOLI) – Ministru Asuntu Parlamentár no Komunikasaun Sosiál, Francisco Jerónimo, hamutuk ho Sekretáriu Estadu Komunikasaun Sosiál, Merício Juvinal dos Reis ‘Akara’ konvoka reuniaun dahuluk ho jerente Agência Tatoli,IP no Rádiu Televizaun Timor-Leste, Empreza Públika (RTTL,EP) hodi rona hanoin no proridade saida maka nesesáriu.

Hafoin ramata reuniaun, Ministru Francisco Jerónimo, hateten nu’udar ministru foun ne’ebé maka responsável mós ba área komunikasaun nian, presiza atu hasoru malu ho instituisaun relevante atu ko’alia ho sira kona-ba prioridade saida maka presiza halo ba oin, liuliu iha área komunikasaun sosiál nian.

“Ami fó prioridade ba infraestrutura, tanba ha’u hakarak atu pelu menus hanesan iha RTTL atu mós bele to’o iha baze. Tanba komunidade sira iha baze presiza informasaun sira ho nune’e ita presiza torre kompletu iha Timór laran atu komunidade mós asesu ba RTTL la presiza sosa parabola maibé liuhosi de’it antena,” dehan Francisco Jerónimo iha Palásiu Governu, sesta ne’e.

Governante ne’e haktuir, iha enkontru ne’e nia parte orienta ona ba Sekretaria Estadu Komunikasaun Sosiál (SEKOMS), Agência Tatoli no RTTL atu prepara ona orsamentu ba tinan 2020 no 2021.

“Prioridade seluk ne’ebé maka orsamentu hodi mai fali iha ne’e halo diskusaun semana oin no  ba futuru atu nune’e bele submete ona,” nia subliña.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here