Jogadór Juvenil AS Ponta Leste. Imajen Tatoli/ Hortençio Sanchez

DILI, 05 juñu 2020 (TATOLI)-Federasaun Futeból Timor-Leste (FFTL) sesta ne’e distribui ona apoiu aihan hanesan foos, mina, supremi, ikan lata, mantolun, susuben, no seluk tan inklui osan subsídiu ba Jogadór selesaun Nasionál.

Jogadór selesaun Nasionál hamutuk ema 200-resin maka simu apoiu ne’e tanba menus hahan durante implementasaun Estadu Emerjénsia ne’ebé liga ho COVID-19

Adjuntu Sekretáriu Jerál FFTL, Fredérico Martins, hateten Federasaun iha inisiativa ne’e atu responde problema enfrenta hahán ne’ebé maka Jogadór selesaun Nasionál Seniór no Juniór.

“Federasaun nia hanoin ne’e para bele ajuda ita-nia jogadór sira motiva nafatin atu nune’e sira iha esperansa nafatin katak FFTL tau nafatin konsiderasaun ba sira, iha situasaun ida defisil hanesan ne’e,” informa Nia ba TATOLI, iha Bairro Formosa sesta ne’e.

FFTL distribui apoiu ne’e fahe ba kategoria rua, jogadór senior hetan tulun hahán inklui osan subsídiu maibé jogadór juniór simu de’it sasán nesesidade báziku.

“Sira jogadór senior ami laos distribui de’it ai-han maibé sei fó mós osan uitoan hanesan subsidiu ida ba sira durante fulan tolu, totál osan ha’u seidauk bele dehan sai loloos tanba seidauk simu dadus hosi finansa,” nia hatutan.

Nia esplika liután fundu ba apoiu ne’e maihusi Federation International Football Asosiation (FIFA).

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here