Primeiru Ministru, Taur Matan Ruak. Imajen/ Egas Cristovão

DILI, 04 juñu 2020 (TATOLI)–Primeiru Ministru (PM), Taur Matan Ruak, hateten Kompozisaun ba Governu ida-ne’e kompleta de’it fatin mamuk no la aumenta fatin foun (Ministériu foun).

“Ha’u hanoin prenxe de’it vaga sira ne’ebé mak uluk mamuk. Tanba ne’e, la aumenta tan no la inventa tan fatin,”  dehan Primeiru-Ministru, Taur Matan Ruak, ba jornalista sira hafoin hala’o enkontru semanál ho Prezidente Repúblika, Francisco Guterres “Lú Olo”, iha Palásiu Prezidente Nicolau Lobato, Bairru Pité, Dili, kinta ne’e.

Antese ne’e, kompozisaun VIII ne’ebé estabelese iha tinan 2018 mak hanesan, Primeiru-Ministru Taur Matan Ruak, Ministru Estadu Prezidénsia Konsellu Ministrus Hermenegildo Augusto Cabral Pereira, Ministru Reforma Lejizlativa no Asuntus Parlamentares Fidelis Manuel Leite Magalhães, Ministru Negósius Estranjeirus no Kooperasaun Dionísio da Costa Babo Soares, Ministru Justisa Manuel Cárceres da Costa.

Ministra Edukasaun, Juventude no Desportu Dulce de Jesus Soares, Ministru Ensinu Superiór, Siénsia no Kultura  Longuinhos dos Santos, Ministra Solidariedade Sosiál no Inkluzaun Armanda Berta dos Santos, Ministru Obras Públikas Salvador Soares dos Reis Pires, Ministru Transportes no Komunikasoins José Agustinho da Silva,  Ministru Agrikultura no Peskas  Joaquim José Gusmão dos Reis Martins, Ministro da Defeza Filomeno da Paixão de Jesus.

Vise-Ministra Finansas Sara Lobo Brites, Vise-Ministru Administrasaun Estatál Abílio José Caetano, Vise-Ministra ba Kuidadu Saúde Primáriu Élia António de Araújo dos Reis Amaral, Vise-Ministru ba Dezenvolvimentu Estratéjiku Saúde Bonifácio Maukoli dos Reis, Vise-Ministru Edukasaun, Juventude no Desportu João Zacarias Freitas Soares, Vise-Ministra Solidariedade Sosiál Signi Chandrawati Verdial, Vise-Ministru Obras Públikas Nicolau Lino Freitas Belo.

Sekretáriu Estadu ba Formasaun Profisionál no Empregu Julião da Silva, Sekretáriu Estadu ba Kooperativa Sira Arsénio Pereira da Silva, Sekretáriu Estadu Ambiente Demétrio de Amaral de Carvalho,  Sekretáriu Estadu ba Komunikasaun Sosiál Merício Juvinal dos Reis ‘Akara’, Sekretáriu Estadu Terras no Propriedades Mário Ximenes,  Sekretáriu Estadu Juventude no Desportu Nélio Isaac Sarmento, Sekretáriu Estadu Arte no Kultura Teófilo Caldas, Sekretáriu Estadu ba Asuntus Kombatentes Libertasaun Nasionál Gil da Costa Monteiro ‘Oan Soru’, Sekretáriu Estadu ba Protesaun Sivíl Alexandrino de Araújo, Sekretáriu Estadu ba Igualdade no Inkluzaun Maria José da Fonseca Monteiro de Jesus.

Entretantu, iha loron 13 fulan maiu 2020, Primeiru Ministru,  Taur Matan Ruak aprezenta ba Konsellu Ministru (KM), projetu dekretu-lei ba alterasaun dahuluk dekretu-lei númeru 14/2018 17 agostu, kona-ba orgánika VIII governu konstitusionál.

Altersaun ne’e, prevee ezisténsia vise-Primeiru Ministru na’in-rua, hodi fó apoiu ba xefe governu iha ninia knaar, ida ba asuntu sosiál no ida seluk hare ba ordenamentu no planeamentu.

Alende ne’e, alterasaun orgánika ne’e mós hasai Ministru Reforma Lezislativa no Asuntu Parlamentár no Ministru Planeamentu no Investimentu Estratéjiku, la prevee tan ezisténsia Ministru Estadu, maibé prevee fali ministru ida ba asuntu Parlametár no Komunikasaun Sosiál, Ministru ba Planu Ordenamentu Territóriu,  Vise Ministru ida ba Turizmu, Kultura, no Komunitáriu, Vise Ministru ida ba komérsiu no indústira no vise Ministru interiór ida.

Jornalista : Cipriano Colo

Editór        : Cancio Ximenes

HAKEREK NO HATÁN

Please enter your comment!
Please enter your name here