Adjunto sekjen FFTL,Frederico Marti in.Imajen/ Hortencio Sanches

DILI, 04 juñu 2020 (TATOLI)-Federasaun Futeból Timor-Leste (FFTL), liuhosi rezultadu enkontru kuarta (03/06) deside ona hodi re-ativa atividade desportiva hanesan futeból hafoin implementasaun Estadu Emerjénsia faze dahuluk no daruak nian iha fulan-rua marsu to’o maiu.

Adjuntu Sekretáriu Jerál Federasaun Futeból Timor-Leste, Fredérico Martins, informa desizaun koletiva ne’e foti husi estrutura FFTL iha sorumutu ida horiseik  iha Dili.

“Horiseik ami reuniaun ona ho Diresaun sira hotu hodi deside atividade futeból nian hanesan treinamentu ba jogadór sira, liliu selesaun nasionál,”dehan Nia ba Agência TATOLI, iha Bairro-Formosa, Dili kinta ne’e.

Alende ne’e, re-ativa mós kompetisaun futeból liga feto ne’ebé maka paradu ona durante mosu propagasaun surtu COVID-19.

Mezmu FFTL re-ativa ona atividade hirak ne’e, maibé sei koordena ho Sentru Integradu Jestaun Krize (CIGC-sigla portugés) no Polisia Nasionál Timor-Leste (PNTL) hodi hetan aseitasaun formal.

“Ami planu atu re-ativa iha segunda (08/06) agora, maibé hein lai ami sei halo pedidu ida ba CIGC no seguransa sira aseita ita halo atividade normal fila fali,”Fredérico esklarese tan.

Tuir nia jogadór barak maka tenke hapara sira ninia atividade desportu durante implementasaun Estadu Emerjénsia.

Jornista : Hortencio Sanchez

Editór    : Agapito dos Santos

HAKEREK NO HATÁN

Please enter your comment!
Please enter your name here