Prezidente Komisaun A (Justisa no Konstitusionál), Joaquim dos Santos ‘Boraluli’. Imajen Tatoli/Egas Cristóvão

DILI, 3 maiu 2020 (TATOLI)—Prezidente Komisaun A (Justisa no Konstitusionál), Deputadu Joaquim dos Santos, konsidera Lei Protesaun ba Labarik sira pertinente maibé lei refere seidauk tama iha ajenda.

Notísia Relevante: Governu Sei Submete Fali Proposta Lei Protesaun Labarik Ba MAPK

“Ha’u hanoin lei protesaun ba labarik ne’e pertinente tanba labarik sira mak futuru país nian. Depois ha’u sei haree took ho ami-nia komisaun. Proposta lei ne’e kaduka maibé depois mak ita sei haree took tanba seidauk tama iha ami-nia ajenda,” dehan  Prezidente Komisaun A, Deputadu Joaquim dos Santos, ba Ajénsia TATOLI iha Parlamentu Nasionál, kuarta ne’e.

Ba asuntu ida-ne’e, Prezidente Komisaun A sei konsulta ho Prezidente Parlamentu Nasionál hodi haree polítika no bele transforma ba lei.

“Depois ita sei haree took tanba ne’e importante ba labarik sira no joven sira. Quer dizer ba populasaun hotu-hotu maibé agora ha’u seidauk iha ajenda kona-ba lei ne’e. Ha’u foin mak eleitu no ha’u sei haree ba ajenda sira uluk ne’e,” nia dehan.

Deputadu ne’e sei halo identifikasaun ba proposta lei ne’ebé kaduka iha 2016 ne’e, karik importante bele hatama ba ajenda tanba presiza projetu lei.

“Iha ami-nia meza leten seidauk projetu de lei ou proposta de lei,” nia hateten.

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here