Estudante Eskola Ensinu Báziku Sentrál 1,2,3 Fleicha, Postu Administrativu Maubisse, Munisípiu Ainaro.Imajen/Egas Cristovão

DILI, 02 juñu 2020 (TATOLI)-Atu prevene propagasaun surtu COVID-15 ba estudante sira maka Ministériu Saúde sujere ba Ministériu Edukasaun Juventude no Desportu no Ministériu Ensinu Superiór Siénsia no Kultura (MESSK) hodi hamenus númeru estudante sira iha sala aprendijazen idaidak.

Ministra Saúde, Odete Maria Freitas Belo, hato’o pedidu ne’e bainhira halo enkontru ho Ministru Ensinu Superiór Siénsia no Kultura (MESSK), Longuinhos dos Santos, Ministériu Edukasaun Juventude no Desportu, no mós Reitór Universidade sira iha salaun eis Ministériu Finansa, Dili, tersa (02/06/2020).

“Ami hanoin ona kuandu atividade eskola sira mak realiza fila-fali ita presiza fó atensaun ba distánsia sosiál, tanba ita hatene iha sala ida akumula labarik estudante purvolta ema na’in 50, tanba ne’e, presiza redús no fahe ba grupu,”dehan, Odete tersa ne’e.

Notísia Relevante:MS Sei Estuda Pedidu MEJD Kona-ba Re-Ativa Eskola Sira

Nia dehan, Diretór, Koordenadór no Dosente husi eskola idaidak maka tenke jere no maneja orariu atu oinsá bele redús estudante ho númeru oituan iha sala ida hodi nune’e bele garante duni distánsia sosiál no fizíku ba sira.

“Ita presiza organiza ho didiak atu nune’e labele fó impaktu ba labarik estudante sira. Ita tenki buka meiu oinsá kuandu grupu dahuluk ho grupu daruak labele iha espasu atu hasoru malu,” katak Governante.

Jornalista : Tomé Amado

Editór       : Agapito dos Santos  

HAKEREK NO HATÁN

Please enter your comment!
Please enter your name here