Prezidente Parlamentu Nasional, Aniceto Longuinhos Guterres Lopez. Imajen/Antonio Goncalves.

DILI, 03 juñu 2020 (TATOLI)–Prezidente Parlamentu Nasionál (PPN), Aniceto Longuinhos Guterres Lopez, hateten foin lalais ne’e simu grupu joven ida ne’ebé aprezenta petisaun ida ne’ebé barak liu halo Kritika kona-ba dezempeñu servisu Prezidente Autoridade Rejiaun Administrativa Espesiál Oecusse Ambenu (RAEOA), José Luis Guterres “Lugu”.

Notísia Relevante: Semana Ne’e, Lugu Submete Lista Kandidatu Sekretáriu Rejionál RAEOA Ba PM

Prezidente PN ne’e hatutan, durante enkontru, hanesan autoridade másimu iha uma fukun husu ba joven hirak ne’e atu halo buta hotu tenke tuir ninia dalan, tanba ida-ne’e kompeténsia Primeiru-Ministru (PM), Taur Matan Ruak, nian.

“Iha grupu joven ida, mai hato’o sira-nia petisaun maibé petisaun ne’e la’ós atu hatún, barak liu hanesan Kritika kona-ba dezempeñu Prezidente Autoridade Rejiaun Administrativa Espesiál Oe-Cusse Ambenu (RAEOA). Maibé, ha’u hateten ba sira katak buat hotu tenke la’o tuir ninia dalan. Tanba ida-ne’e kompeténsia Governu nian, liuliu Primeiru-Ministru, Taur Matan Ruak, atu hola desizaun,” Aniceto hateten ba jornalista sira hafoin lidera komozisaun meza PN foun, hasoru malu ho Prezidente Repúblika, Francisco Guterres “Lú Olo” iha Palásiu Prezidensiál Nicolau Lobato, Bairru Pité, Dili, kuarta ne’e.

Reprezentante povu ne’e hateten, bainhira liga ho Prezidente Autoridade ninia servisu, kona-ba RAEOA liga ho programa no planu sira iha ne’eba kona-ba ezekusaun Orsamentu, Parlamentu Nasionál liuhosi komisaun espesializada bele ba fiskaliza, bele husu ba instituisaun relevante atu bele halo auditoria depois bele halo rekomendasaun ba Governu, atu nune’e Primeiru-Ministru bele hola desizaun.

Antes ne’e, reprezentante povu Atoni ne’ebé hatama petisaun ho pontu sanulu resin neen (16) ba órgaun soberania tolu hanesan Prezidente Repúblika, Parlamentu Nasionál, no Governu, hodi ezije hasai Prezidente Autoridade Rejiaun Administrativa Espesiál Oecusse Ambenu (RAEOA), José Luis Guterres “Lugu”, hosi nia kargu tanba konsidera laiha kapasidade atu ukun.

Notísia Relevante: Reprezentate Povu Atoni Hatama Petisaun Hasai Lugu hosi RAEOA

Jornalista : Cipriano Colo

Editór        : Cancio Ximenes

1 KOMENTÁRIU

  1. Sira laos reprezenta povu oecusse mbe em nome do grupo. Tnb povu oecusse fo sr nia lian tinan lima dala ida.

HAKEREK NO HATÁN

Please enter your comment!
Please enter your name here