Ministru Administrasaun Estatál, Miguel Pereira de Carvalho. Imajen/Egas Cristóvão

DILI, 03 juñu 2020 (TATOLI)–Ministru Administrasaun Estatal (MAE), Miguel Pereira de Carvalho, husu ba entidade hotu atu kolabora hodi garante ba distribuisaun pagamentu subsídiu uma-kain nian iha munisípiu sira hotu.

“MAE husu nafatin kolaborsaun hosi entidade hotu inklui autoridade komuitária, Polisia Nasionál Timor Leste (PNTL) no Ofisiál Polisiamentu Suku (OPS) no ministériu relevante ne’ebé destakadu iha munisípiu sira, atu fó apoiu nafatin ba MSSI atu garante distribuisaun apoiu umanitária ida-ne’e la’o ho di’ak. Atu ne’e, labele mosu dezentendimentu iha terrenu,” dehan Ministru Administrasaun Estatal (MAE), Miguel Pereira de Carvalho, ba jornalsita sira iha MSSI, Caicoli, Dili, kuarta ne’e.

Miguel hakarak hato’o ba públiku katak ministériu ida-ne’e hala’o ona nia sevisu ho entidade hotu-hotu hahú hosi aldeia to’o suku no Postu Administrativu no nivél munisipál sira.

“Dadus hosi atoridade suku no munisipál hotu inklui esklui Rejiaun Administrativa Espesiál Oe-Cusse Ambeno (RAEOA) no to’o ona iha MSSI no hetan ona verifikasaun. Nune’e, ohin loron, ita rona katak iha dadus finál hosi benefisiária sira ne’ebé
mak merese atu bele simu apoiu umanitáriu iha ámbitu pandemia COVID-19 iha tinan 2020 ne’e,” nia dehan.

Tanba ne’e, nia hato’o obrigadu barak ba lideransa komunitária sira hotu no mós Administradór Postu no Prezidente Autoridade sira iha Munisípiu hotu, inklui funsionáriu sira ne’ebé mak durante ne’e hala’o ona sira-nia servisu para ohin loron ita hetan ona dadus kompletu no iha ona faze hodi realiza pagamentu sira.

“Ita husu nafatin atu iha loron tuir mai ezije atu kolabora nafatin autoridade komunitária sira partikularmente Xefe Suku no Xefe Aldeia sira, katak bele garante no mobiliza ita-nia sidaudaun sira ne’ebé sai benefisiária hosi subsídiu umanitária ida-ne’e, atu bele hakat ba to’o ba iha aldeia no suku para depois tuir tempu ne’ebé mak trasa ka planea ona hosi MSSI,” nia hateten.

Notísia Relevante: BNCTL Uza Banku Movél Halo Pagamentu Subsídiu To’o Postu Administrativu

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here