Fuma sigaru bele mós hamosu kankru ran. imajen/google.

DILI, 03 juñu 2020 (TATOLI)-Ministériu Saúde fó alerta ida ba públiku atu prevene an husi fuma tabaku tanba risku boot atu hetan moras infesaun respiratóriu pulmonar.

Reprezentante Diretóra Jerál Prestasaun Saúde, Ministériu Saúde, Celia Gusmão, hateten tanba sigaru iha kontein kímiku hamutuk 600, pursentajen ne’e seidauk sunu.

Maibé depois sunu sigaru ne’e hamosu jeneretíku aumenta ba 7000 iha ne’ebé sei provoka atu hamosu moras seluk tan hanesan kurasaun, kankru, tensaun no seluk tan.

Banhira ema ne’ebé mak fuma ne’e iha liu risku hetan moras ne’e sai grave ona hanesan iis boot maka’as presiza oksijéniu no riksu makaas atu hetan mate,”dehan Celia, durante ninia aprezentasaun iha Otél Novo Turizmu, tersa (02/06/2020).

“Depois  kímiku 7000 ne’e, 69 mak hatene loos ona katak nia bele kauza  ba kankru no tojíku ba ita-nia orgaun sira ne’e dahuluk mak nikotine entaun nikotine ne’e mak hanesan kímiku ida ne’ebé kontein iha sigaru laran,” Nia reforsa liután.

Tuir Nia ba labarik sira ho tinan 13 to’o 15 ne’ebé maka fuma ona tabaku sei fó impaktu negativu ba sérebru ka kakutak. Tanba husi sigaru nia suar halo labarik ida ninia memoria atu akapta liafuan ruma ho tarde.

“Labarik ida ne’ebé mak la fuma ne’e kapta lalais saida mak ema ko’alia  no fó hanoin, maibé  ba sira ne’ebé mak fuma ladun fó atensaun entaun saida mak profesór esplika mós menus liu atu komprende tanba sigaru suar no nikotine ne’e iha ona kakutak laran,”nia esplika.

Tanba ne’e, Ministériu Saúde, Ministériu Edukasaun Juventude no Desportu hamutuk ho mídia atu sensibiliza informasaun ba estudante sira kona-ba impaktu husi fuma tabaku.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here