Prezidente Tribunál Rekursu, Deolindo dos Santos. Imajen/Egas Cristovao

DILI, 02 juñu 2020 (TATOLI) – Prezidente Tribunál Rekursu (PTR), Deolindo dos Santos, informa iha tempu badak Governu ho kompañia China Internasionál Economic Coorporation Group Co.Ltd, sei lansa fatuk-inan (primeira pedra) ba konstrusaun edifísiu foun Tribunál Distritál Dili (TDD).

Notísia Relevante : China International Economic Coorporation Manan Konkursu ba Konstrusaun Edifísiu TDD

“Kona-ba data fiksu seidauk klaru, maibé hein iha tempu badak sei hahú nia konstrusaun ba edifísiu Tribunál Dili,” informa Deolindo dos Santos, ohin,  ba Agência Tatoli iha Tribunál Rekursu, Caicoli, Dili.

Nia esplika, loloos obra ne’e la’o tiha ona iha inísiu fulan hirak liu ba, maibé tanba ho propagasaun surtu Coronavirus ka COVID-19 halo obra ne’e pendente lai.

Kompañia China Internasionál Economic Coorporation Group Co.Ltd, mak sai vensedór ba konkursu públiku ba projetu konstrusaun edifísiu Tribunál Distritál Dili (TDD) ho orsamentu milaun $10-resin.

Iha loron 05 dezembru, tinan kotuk, asina ona kontratu entre obra nain Tribunál Rekursu ne’ebé asina direita husi Prezidente Tribunál Rekursu (PTR) Deolindo dos Santos ho kompañia refere.

Jornalista : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here