Prezu nia liman. Imajen/google

DILI, 02 juñu 2020 (TATOLI) – Iha ámbitu implementasaun estadu emerjénsia faze datoluk nian, Ministériu Justisa (MJ) kontinua suspende atividade vizita família ba prizasaun tolu; Becora, Gleno ho Prizaun Suai.

Notísia Relevante : Prevene COVID-19, Governu Suspende Vizita ba Prizaun

Ministru Justisa, Manuel Cárceres da Costa. Imajen/Egas Cristovão

“Estadu emerjénsia faze datoluk hotu mak loke fali,” afirma Ministru Justisa Manuel Cárceres da Costa, ba Ajénsia Tatoli iha Tribunál Rekursu, Dili, tersa (02/06/2020).

Antes ne’e, liuhusi despaxu Ministru Justisa, Manuel Cárceres da Costa, hahú iha loron 23 fulan marsu, iha faze implementasaun estadu emerjénsia dahuluk suspende vizita ba estabelesimentu prizaun tolu ne’e.

 Alein de suspende atividade vizita família,  governu mós suspende atividade formasaun ba maksalak nain-sira uosi organizasaun la’ós governu nian (ONG) no organizasaun seluk.

Suspende mós atividade vizita sosiál hanesan jogus amizade, grupu korál ba selebra misa hamutuk ho ema naksalak nain-sira.

Suspende mós atividade selebrasaun liturjia ka espirituál sira hosi ne’ebé durante ne’e hala’o iha prizaun laran no bandu Guarda Prizionál-sira atu simu sasán husi família maksalak nain-sira atu lori tama ba prizaun laran.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here